Тоқаев: Қалыптасқан жағдайда мемлекетті басқарудың жолдарын түбегейлі өзгерту қажет

0
141

Шешім қабылдауда ескі шаблондардан арылатын кез келді. Бұл туралы Ақордада төтенше жағдай жөніндегі мемлекеттік комиссияның отырысын өткізген президент Тоқаев айтты деп хабарлайды Dalanews.kz.

Президент пікірінше бүкіл мем.аппарат басқарудың бұрынғы әдіс-тәсілдерінен арылып, жаңа жағдайға бейімделуі керек. Әйтпесе орнын босатады.

“Қалыптасқан жағдайда мемлекетті басқарудың жолдарын түбегейлі өзгерту қажет. Мемлекеттік маңызы бар шешім қабылдайтын тұлғалар өз-өзіне жауапкершілік ала біліп, батыл, әрі нәтижелі шешім шығаруы керек.

Дағдарыс салдарымен күресу үшін мемлекеттік басқару жүйесіне шұғыл шешім қабылдайтын құқық беретін қаулы қабылдадым.

Бұдан былай мем.органдар кез-келген мәселені қарастырарда өз әлеуетіне сеніп, өз көзқарасы негізінде шешім қабылдай алады. Бұл бірінші кезекте бюджет процесі, баға бақылауы, мемлекеттік сатып алу, жеңілдік беру секілді мәселелерге қатысты”, – дейді Тоқаев.

Президент Үкімет мүшелері мен әкімдерге біркездегі жайбарақат өмірдің келмеске кеткенін еске алып, мүлде басқа жағдайда жұмыс істейтін кез келгенін ескертті.

“Қазіргі жағдайға жүрдім-бардым қарап, баяғы әуеніне басып, ешнәрсені өзгерткісі келмей, ескі тәсілмен басқара бергенді ұнататын, елден бұрын, жеке басының мүддесін жоғары қоятын министрлер мен әкім-қаралар орнын босатады.

Бүйтпесек бұл дағдарысты еңсере алмаймыз. Министрлер мен әкімдер шапшаң қимылдауы қажет”, – дейді Тоқаев.

Президент мем.басқарудағы өзгерістерді жылдамдатып енгізіп,  дағдарысқа қарсы шара қабылдауды Үкімет басшысына тапсырды.

https://dalanews.kz/51710?fbclid=IwAR05EUniUvod9rjW08j8mfeL7m76a4Hna2Uip8exukaR4aUVStONnJOKXDI

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

This site uses Akismet to reduce spam. Learn how your comment data is processed.