Берекелі отбасы негізі – татулық пен сыйластық

0
161
15 мамыр – Халықаралық отбасы күні

 

Отбасы – адам баласының алтын діңгегі, өйткені адам ең алғаш шыр етіп дүниеге келген сәтінен бастап, осында ер жетіп, отбасының тәрбиесін алады. Сондықтан да отбасы – адамзаттың аса қажетті, әрі қасиетті алтын мектебі. 1993 жылдан БҰҰ Бас Ассамблеясының қарарымен 15 мамыр – Халықаралық отбасы күні болып бекітілген. Бұл күнді белгілеу әлемдік қауымдастықтың отбасының қазіргі жағдайы мен оның қоғам өміріндегі және өскелең ұрпақ тәрбиесіндегі маңызына алаңдаушылық туғызуына орай жүзеге асып отыр.

Адам өмірі отбасынан басталады, азамат болып қалыптасуы да осында өрбиді. Отбасы – сүйіспеншіліктің, құрмет пен ынтымақтастықтың ошағы, яғни кез келген зиялы қоғамның діңгегі. Отбасының аман-саулығы – әрбір елдің дамуы мен келешегінің өлшемі.

Президент Қ.Тоқаев отбасы құндылықтарына қашан да ерекше назар аударып келеді. Елбасы Н.Ә. Назарбаев «Отбасы – Қазақстан қоғамының діңгегі, экономикадағы, мәдениеттегі, әлеуметтік саясаттағы барлық жаңа жетістіктерінің негізі» – деген болатын. Отбасы құндылықтарын насихаттауға, адамдардың өзара қарым-қатынасындағы, сыйластығындағы ұлттық сипатқа ие қанда бар қасиетті қағидаларды ұлықтауға арналған мереке – Отбасы күнін жариялады. Әр шаңырақтың шаттығын паш ететін, жанұя мүшелерін жақсылыққа желпіндіретін, бірлігін бекемдей түсетін Отбасы күні мерекесінің атын атап, түсін түстеген Елбасының өзі. Бұл әротбасына деген шынайы қамқорлықтың, әр адамға деген ақпейілдің үлгісі. Адамгершілікқұндылықтарды және неке мен отбасының жағымды образын қалыптастыру, отбасы мәртебесін көтеру мақсатында жылсайын «Мерейлі отбасы» Ұлттық байқауы өтетін болды. Бұл дегеніміз «Отан отбасынан басталады» деген қанатты сөзді нақтылай түскендей.

Елімізде мерейі тасыған – мерейлі, үлгілі отбасылар қатары сиремесін!

 

Гауһар ТҰРСЫНҚОЖА

 

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

This site uses Akismet to reduce spam. Learn how your comment data is processed.