АРМЕНИЯЛЫҚ КӨЛІКТЕР ТУРАЛЫ ПРЕЗИДЕНТ ҮКІМІ

0
413

Ел ішінде Армениялық көліктерге қатысты дау ушығып тұр. Алыстан ат арытып әкелген көліктерін заңдастыру – бір машақат! Осы орайда көңілі пәс тартқан жүргіншілерге демеу болсын деп Президент Тоқаевтың мына бір пікірін ұсынып отырмыз.
«Проблема әлі күнге дейін өзекті болып тұрғанымен келісемін. Адам жолын тауып, көрші елдерден автомобильді көптеп алып келді. Менің тапсырмаммен Бас прокуратура осы ахуалға құқықтық бағалау жүргізді. Бірқатар мемлекеттік құрылымның қызметіне наразылық бар. Бұған қоса, жекелеген тұлғалар заңнаманы бұза отырып және адамдарды алдап, мұнан заңсыз бизнес құрып алған. Армениядан машина әкелу барысындағы алаяқтық әрекет фактілері бойынша тергеу жүргізіліп жатыр», – деді Мемлекет басшысы.
ҚР Президентінің атап өтуінше, ЕАЭО бойынша Қазақстанның кейбір серіктестерімен өзара іс-қимылда да бірқатар мәселе бар. Қазіргі уақытта олармен алдағы уақытта мұндай проблемалардың қайталануына жол бермеу үшін жұмыс жүргізіліп жатыр.
«Үкіметке қазақстандық көлік иелерінің мүдделерін ескере отырып, Армениядан әкелінген автомашиналарды пайдалануды ретке келтіру бойынша қосымша ұйымдастырушылық шараларды  әзірлеу тапсырылды», – деді Қасым-Жомарт Тоқаев.

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

Этот сайт использует Akismet для борьбы со спамом. Узнайте, как обрабатываются ваши данные комментариев.