????????????????????????????????????

«2017 жылдың 22-25 маусым аралығында Астанада Дүниежүзі қазақтарының V құрылтайы өтеді»,— деп хабарлайды Орталық Азия жаңалықтар қызметі. Дүниежүзі қазақтары қауымдастығы төрағасының орынбасары Сұлтанәлі Балғабаев: «Құрылтай барысында шетелдегі қазақ мәдени орталықтарын қаржыландыру, басқа да көмек көрсету, шетелдік жастарды Қазақстанға білім алуға шақыру сынды мәселелер талқыланатын болады. Құрылтайдың мақсаты — шетелдегі қазақтарды Қазақстанға көшуге ынталандыру, олардың қандай қажеттіліктері барын анықтау»,— дейді. Ұйымдастырушылардың айтуынша, биылғы құрылтайға шақырылғандардың басым көпшілігі — әртүрлі салада жетістіктерге жетіп жүрген шетелдік қазақ жастары. Құрылтайға 40-тан астам мемлекеттен 350 адам және әртүрлі халықаралық ұйымдардың өкілдері қатысады деп күтілуде. Дүниежүзі қазақтарының I құрылтайы 1992 жылы Алматыда,  II құрылтайы 2002 жылы Түркістанда өткізілген болатын. Ал одан кейінгі құрылтайлар 2005 және 2011 жылдары елордамыз Астанада өткен.

ЖАУАП ҚАЛДЫРУ

Пікіріңізді енгізіңіз!
Атыңызды енгізіңіз