Біз бақытты баламыз,
Билейміз, ән саламыз.
Бізбен билеп гүлдер де,
Тербеледі даламыз.

Жетіледі санамыз,
Жетектейді анамыз.
Ашып өмір есігін,
Мектепке де барамыз.

Білім нәрін аламыз,
Қияға қанат қағамыз.
Туған жердің көгінде
Жұлдыз болып жанамыз.
Ғарышқа да шығамыз,
Әлем сырын ұғамыз.
Туымызды тік ұстап,
Тұғырында тұрамыз.

Өткен ата-бабамыз
Өсиетін аламыз.
Ұлы Дала елінің
Ұрпағы боп қаламыз.

Нұржан
Жұманбай

ЖАУАП ҚАЛДЫРУ

Пікіріңізді енгізіңіз!
Атыңызды енгізіңіз