Қордайда гемодиализ қызметін көрсететін орталық ашылды

Қордайда гемодиализ қызметін көрсететін орталық ашылды
Өткен жұмада аудан орталығында тұрғындарға гемодиализ қызметін көрсететін орталық ашылды.
Жаңа медициналық нысанның ашылу салтанатына аудан әкімі аппаратының басшысы Нұрболат Сатымқұл, медициналық және фармацевтикалық бақылау комитеті Жамбыл облысы бойынша департаментінің басшысы Манат Сейдуманов, облыстың бас нефрологы Аягөз Баймұратова қатысты.
Айта кетейік, бұған дейін бүйрек жеткіліксіздігінен зардап шегетін науқастарға гемодиализдік қызмет көрсететін орталық аудандық аурухананың тарлау ғимаратында орналасқан еді. Енді азаматтарға жаңа әрі кең ғимаратта сапалы медициналық қызмет қолжетімді болмақ.
Нысанның салтанатты ашылу рәсімінен кейін «BB Diacare Kazakhstan» ЖШС бас директоры Лариса Сапрыкина қонақтарға ғимаратты аралатып, емделушілерге қандай қызмет көрсетілетінін айтып берді.
Сондай-ақ, бүйрек жеткіліксіздігінен гемадиализдік ем алып жүрген науқастардың осы медициналық көмектің қолжетімділігін ақысыз арттыру, сапалы қызмет көрсету, бүйректі алмастыру терапиясын дамыту мақсатында, мемлекеттік–жекешелік әріптестік жобасы аясында «BB Diacare Kazakhstan» ЖШС Меркі, Қордай, Т.Рысқұлов аудандарында және Шу, Қаратау, Тараз қалаларында медициналық орталықтардың ашылғанын тілге тиек етті.
Орталықтың меңгерушісі Шахрет Хуровтың айтуынша, мұнда қазір 50 қордайлық тұрғын есепте тұрады. Оларды кесте бойынша арнайы көлік алып келіп, апарып тастайды. Орталықта 2 дәрігер, 5 медбике және 3 санитар қызмет етеді. Бір күнде (2 ауысым 4 сағаттан) 20 емделуші қабылданады. Олар үшін барынша жағдай жасалған.
Диализ залы толықтай германиялық «BBraun» компаниясының медициналық қондырғыларымен жабдықталған. Ол бесінші сатыдағы созылмалы бүйрек жетіспеушілігі бар науқастарды қабылдауға мүмкіндік береді.
Облыстың бас нефрологы Аягөз Баймұратованың нақтылауынша, бүгінгі таңда облыс бойынша 344 бүйрек жетіспеушілігі ауруына шалдыққан азамат бар. Оларға донор табу қиын болғандықтан көбі осы диализ аппаратына жүгінеді. Ол қан құрамындағы әртүрлі улы заттардың теңгерімін түзете отырып, бүйректің жұмысын реттейді.
@korday_mayak
Қордай ауданы
28.06.2022

Ұқсас жаңалықтар

Аудан әкімі тұрғындарды қабылдады
Қордай ауданының әкімдігі - 18.08.2022 12
Халықтың талап-тілегі ескерусіз қалмайды
Жуалы ауданының әкімі Жалғас Мұртаза Әлижанұлы - 18.08.2022 34
Жамбылда биыл 22 890 оқушы 1-сыныпқа барады
Тараз Жиырма Төрт - 18.08.2022 11
Шерхан және Мұсатай
Доқтырхан Тұрлыбек, жазушы, Халықаралық «Алаш» әдеби сыйлығының лауреаты - 17.08.2022 159
Әбілқайыр хан және Күсеп батыр
Самат ӨТЕНИЯЗОВ, Әл-Фараби атындағы ҚазҰУ, т.ғ.к. - 11.08.2022 312
Сіз қандай қариясыз?
Мақұлбек МАЛДАРБЕКОВ, Қазақстанның құрметті журналисі - 11.08.2022 324

Топ жаңалықтар

1
Әсерлі саяхат
Show more
Ләззат ҚАЖЫМОВА БҚО Орал қаласы - 2022-08-18 48
2
Орталық Азиядағы ең үлкен мешіт Нұр-Сұлтанда
Show more
Ермек САХАРИЕВ - 2022-08-18 69
3
Руслан Жақсылықов Мәскеуге барды
Show more
Ермек САХАРИЕВ - 2022-08-18 67
4
Қазақстан мен Мысыр ынтымақтастығы
Show more
Ермек Сахариев - 2022-08-17 140
5
Мінезді мейіріммен түзеу – мүмкін нәрсе
Show more
Сұхбаттасқан – Голрох Жеменей - 2022-08-17 154