Нұр-Сұлтан қаласы әкімдігі Тілдерді дамыту және архив ісі басқармасы, «Руханият» коммуналдық мемлекеттік мекемесі 17 наурыз күні алаңдар мен саябақтарда, қоғамдық орындарда (сапаржай, темір жол вокзалы, сауда орталықтары т.б.)«ЕЛОРДА НАУРЫЗЫ-2021» акциясын өткізді.

Акцияның  мақсаты – Ұлыстың Ұлы күні – «Наурыз» мейрамын насихаттау. Наурыздың маңыздылығын, ерекшелігін көпшілікке жеткізу. Ұлттық құндылықтар мен салт-дәстүрлерді дәріптеу. Халыққа мерекелік көңіл-күй сыйлай отырып, «Наурыз» дәстүрлерін санаға сіңіру. Қоғамды мейірімділікке, достыққа, бейбітшілікке баулу.

Шара барысында насихатшы жастар тобы халықты Наурыз мейрамымен құттықтады. Наурыздың дәстүрлеріне, ұлттық құндылықтарға қатысты сұрақ-жауап ойындарын өткізіп, белсене қатысқандарға құттықтау сыйлықтарын табыстады. Сондай-ақ жастар ел алдында өз өнерлерін паш етіп, оларды мемлекеттік тілде сөйлеуге, ұлттық құндылықтарды құрметтеуге, Наурыздың маңыздылығы мен ерекшеліктерін түсінуге, дәстүрлі мейрамды сезінуге шақырды.

Акцияға қатысқан көпшілік алғыстарын айтып, ризашылықтарын білдірді.

ЖАУАП ҚАЛДЫРУ

Пікіріңізді енгізіңіз!
Атыңызды енгізіңіз