«ӘЛІППЕ» ҚАЙТА ОРАЛАДЫ

0
1018

ҚР Білім және ғылым министрлігі әліппеге қатысты арнайы жұмыс тобын құрғаны белгілі болды. «Әліппе» жыры қоғамда көп талас тудырып, соның салдарынан білім министрлігіне көп сын айтылғаны есте. Енді жаңа министр әліппені қайтаруға күш салып жатқаны байқалады. Бұл туралы Парламент Мәжілісіндегі Үкімет сағатында ҚР Білім және ғылым министрі Асхат Аймағамбетов мәлім етті
«Әліппеге қатысты мәселе көптен бері көтеріліп жүр. Бұл шын мәнінде өте маңызды. Биыл тамыз кеңесінде осы мәселеге жеке тоқталдық. Қазір тиісті жұмыс тобы құрылды. Біздің айтып отырғанымыз, әліппені мектепке енгізу керек және онда ешқандай эксперимент керек емес. Ахмет Байтұрсыновтың әдістемесі бар, сол әдістемеден басқа ештеңе ойлап табу қажет емес»,— деді министр Білім беруді және ғылымды дамытудың 2016-2019 жылдардағы бағдарламаның іске асырылуын талқылау барысында. Сонымен қатар А.Аймағамбетов оқулықтарды даярлау, талдау шараларына сын айтылып жатқанын атап өтті. Осы мәселелерді шешу үшін қазіргі уақытта ҚР Білім және ғылым министрлігі оқулықтардың сапасын жақсарту және сараптау тетігін жаңарту бойынша жұмыс жүргізіп жатқаны сөз арасында айтылып қалды. Сондай-ақ авторлар мен сарапшыларды оқыту, оқулықтарға «жасырын» шолу жасау, сарапшыларды сертификаттау ұйымдастырылуда екен.

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

This site uses Akismet to reduce spam. Learn how your comment data is processed.