Атырау облысында алғашқы жел электр станциясы салынуда

0
1074

Исатай ауданында қуаты 52 мегаватт болатын өңірдегі алғашқы жел электр станциясының  құрылысы жүруде. Нысанның пайдалануға берілуі 2020 жылға жоспарлануда, – деп хабарлайды Атырау облыстық өңірлік коммуникациялар қызметі.

Құрылыс жұмыстары Каспий теңізі жағалауындағы Манаш ауылы маңында жүріп жатыр. Зерттеулерге сәйкес, бұл жерде желдің жылдамдығы секундына 10-12 м / с-қа жетеді. Электр станциясының тұрақты жұмыс істеуі үшін 4 м/с жеткілікті екен.

Барлығы 36 жел қондырғыларын орнату  жоспарланып отыр. Қазіргі уақытта жетеуі орнатылған. Олардың әрқайсысының салмағы шамамен 230 тонна, биіктігі 100 метрден асады.

Электр станциясының құрылысы жаңартылған электр қуаты көздерінің құрылысын дамытуға арналған бағдарлама негізінде жүргізілуде. Жоба жел парктерін салуды, сондай-ақ, «Атыраужарық» АҚ-ның желілеріне қосылатын екі қосалқы станцияның құрылысын салуды көздейді. Жоба «ВетроЭнерготехнологии» ЖШС бастамасымен жүзеге асырылуда. Жобаның құны 12,3 млрд. теңгені құрайды. Құрылыстың аяқталу мерзімі – 2020 жыл. Бұл станция Атырау облысында өндірілетін барлық электр қуатының 13-14% пайызын өндіретін болады», – дейді энергетика және тұрғын үй коммуналдық шаруашылық басқармасының басшысы Жұмабай Қарағаев.

                                                                                                             

 С. Муньянова

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

Этот сайт использует Akismet для борьбы со спамом. Узнайте, как обрабатываются ваши данные комментариев.