📍Бүгін Қарағанды облыстық өлкетану мұражайында Қарағанды қаласы әкімдігінің қолдауымен Жазушылар одағының Қарағанды облысы филиалының бірлесе ұйымдастыруымен саяси қуғын-сүргін құрбандарын еске алу күніне арналған “Қасіретті КарЛаг” атты Республикалық жыр мүшәйрасы өтті.
🔹Мүшәйра мақсаты өткенге салауат айтып, тарихтың ақтаңдақтарына бүгінгі көзқараспен әділ бағасын беру, өлең-жыр арқылы тарихымызды насихаттап, қасіретті жылдарға ел назарын аударту. Карлаг – жалғыз қазақтың емес, жарты әлемнің қасіреті.
🔹Мүшәйраның жеңімпаздары мен жүлдегерлері дипломдармен, алғыс хаттармен және ақшалай сыйлықтармен марапатталды. Мүшәйра қорытындысы бойынша ақындар, Мирас Асан (Астана) бірінші орын, Ұмтыл Зарыққан (Астана)екенші орын, Кеңесбай Нұрбек (Павлодар) үшінші орын иегері атанды. Ал, Назгүл Бердіқожа (Қызылорда) арнайы жүлде және Олжас Қасым, Батырлан Сағынтай, Ерік Нарын, Дмитрий Пхенда, Сезім Мергенбай ынталандыру сыйлықтарына ие болды.
