Мемлекет басшысы Қасым-Жомарт Тоқаевтың тапсырмасы бойынша барлық деңгейдегі әкімдердің халық алдында есеп беру - кездесуі белгіленген болатын.
Бүгін Жайылма ауылдық округіне қарасты Маятас ауылында аудан әкімі С.Мамытовтың халықпен есеп беру кездесуі өтті.
Жиынға аудандық ардагерлер кеңесінің төрағасы мен мүшелері, аудандық және қалалық алқабилер кеңесінің төрағасы, құқық қорғау органдарының өкілдері, салалық мекеме, бөлім басшылары мен ауыл тұрғындары қатысты.
Кездесуде аудан басшысы атқарылған жұмыстарды баяндап, алдағы жұмыстарға тоқталды. Сондай - ақ, Жайылма ауылдық округінде алдыңғы кезеңде өткен кездесуде көтерілген мәселелердің шешілу барысы туралы айтылды.
Атап айтсақ, Бүркітті су қоймасын аудандық коммуналдық меншікке алып, жобалық сметалық құжаттама жасап, дамбасын нығайту және құрылыс жүргізу үшін бюджеттік өтінім беру, Талас өзені суының Жайылма ауылдық округінің шабындық жеріне дейін жеткізу бойынша шара қабылдау, Жайылма мен Маятас ауылдарына орталықтандырылған ауыз суды тұрақты түрде тәуліктеп беруді қамтамасыз ету сынды мәселелер қаралды.
Кездесудің соңында аудан әкімі азаматтарды жеке мәселелері бойынша қабылдау өткізді.
