2025 жылдың 17 шілдесінде Ақтөбе қаласында терроризмге қарсы Ақтөбе облыстық жедел штабымен терроризмге қарсы оқу-жаттығу шарасы өтті. Бұл туралы Қазақстан Республикасы Терроризмге қарсы орталығы хабарлады.
«Оқу-жаттығу шаралары барысында, терроризм актілерінің түрлі сценарийлеріне жедел жауап қайтару мәселелері қарастырылған. Жүргізіліп жатқан іс-шараға байланысты, автокөліктер мен тұрғындардың қозғалысына уақытша қойылатын шектеулерге түсіністікпен қарауға шақырамыз. Осы орайда, қауіпсіздік шараларын сақтауды және мемлекеттік орган қызметкерлерінің заңды талаптарын орындауды сұраймыз. Тек ресми ақпаратты басшылыққа ала отырып, жалған мәліметтердің таралуына жол бермеуді ескертемін», – делінген таратылған ақпаратта.
