Төтенше жағдайлардың алдын алу және оларды жою бойынша іс-қимылға Азаматтық қорғаудың мемлекеттік жүйесін одан әрі жетілдіру, сондай-ақ қысқы-көктемгі кезеңдегі төтенше жағдайларға басқару органдарын, азаматтық қорғаудың күштері мен құралдарын ден қоюға дайындау бағытында облыс көлемінде «Көктем-2025» республикалық командалық-штабтық оқу-жаттығуы өтуде.
Бүгін оқу-жаттығу жұмыстарына облыс әкімінің орынбасары Қанатбек Мәдібек және әр саланың жауапты мамандары жалпы 105 адам 34 техника қатысып, азаматтық қорғау қызметтеріне саптық қарау жұмыстарын жүргізді.
Оқу-жаттығудың негізгі мақсаты – жергілікті атқарушы органдардың су тасқыны кезінде күштер мен объектілерді басқару жөніндегі іс-қимылдарын жетілдіру, сондай-ақ төтенше жағдайлар кезіндегі жедел басқару ұйымдарымен өзара әрекеттесу деңгейін арттыру.
Айта кету керек, аталған іс-шараның мақсаты 2025 жылғы су басу қаупі бар аймақтардағы және бүгінгі таңда Талас өзенінде 33 куб су ағуда, күн жылыған сәтте аталмыш өзеннің су деңгейі көтеріліп кеткен жағдайда, төтенше жағдайларды алдын алу және жою кезіндегі алғашқы іс-әрекеттерді пысықтау жүргізілуде.
Биылғы көктемде де осы жағдай қайталанбауы үшін жауапты органдар алдын ала дайындықты күшейтті.
Бүгінгі оқу-жаттығу облыстың барлық аумағында өтуде. Пысықтау барысында құтқарушылардың төтенше жағдайға дайындығы тексерілуде. Сондай-ақ, арықтар мен суағарлар және табиғи су арналары қардан тазартылады.
Бұл жұмыстар аймақтағы тұрғын үйлер мен әлеуметтік нысандардың қауіпсіздігін сақтауға, төтенше жағдайлардың алдын алуға және олардың салдарын жоюға бағытталған.
