Құрметті "Mankent shipa" шипа орталығындағы ақ халатты абзал жандары – дәрігерлері мен медбикелері!
Сіздерге жүрегімнің тереңінен шыққан шынайы алғысымды білдіремін. Алматы қаласынан келген зейнеткер ретінде осы шипажайда тегін ем алып, шипа тауып қана қоймай, адамгершілік пен мейірімнің шуағына бөлендім. Расында, «Жақсының жақсылығын айт, нұры тасысын» демекші, сіздердің еңбектеріңізді айтпай кету – әділетсіздік болар еді.
Ең алдымен, дәрігер Эргашев Нариман Ботабекұлына айрықша ризашылығымды білдіремін. Білімі терең, жүрегі кең жан екені бірден сезіледі. «Дәрігердің қолы – ем, сөзі – шипа» дегендей, оның әрбір сөзі мен ем-домы маған үлкен демеу болды.
Шипажайдағы әрбір қызметкер өз ісінің шебері екеніне көзім жетті. Администраторлар Элдар, Бабур, Дастан – келген жанды жатсынбай, туғанындай қарсы алып, әрбір сұраққа сабырмен жауап беріп, жол көрсетіп отырады. «Жылы сөз – жанға қуат» дегендей, олардың ілтипаты әрбір науқастың көңіліне шуақ сыйлайды.
Ал медбикелер Дилобар, Назира, Малохат пен медбрат Сардор, сондай-ақ санитаркалар Зарифа мен Гузал – сіздердің мейірімдеріңіз бен жанашырлықтарыңыз ерекше.
Сіздер әр науқастың жағдайын түсініп, жан дүниесіне үңіле білетін жандар екенсіздер. Жылы жүздеріңіз бен қамқор қолдарыңыз талай жанға үміт сыйлап жүргені анық.
Сіздердің кәсібиліктеріңіз бен адамгершілік қасиеттеріңіз менің жүрегімде мәңгілік із қалдырды. «Еңбек етсең ерінбей, тояды қарның тіленбей» демекші, адал еңбектеріңіздің жемісін көріп, әрдайым халықтың алғысына бөлене беріңіздер.
Осындай жауапты да сауапты еңбектеріңіз үшін басымды иіп, зор құрметімді білдіремін. Сіздерге зор денсаулық, отбасыларыңызға амандық, еңбектеріңізге табыс тілеймін. Алла еңбектеріңізге береке берсін!
Ізгі ниетпен,
Алматы қаласынан келген
Раиса Үмбетбаева
