Сурет: Baq.kz сайтынан
Сурет: Baq.kz сайтынан

Көктем шығысымен еліміздің бірнеше өңірін су басып, қаншама адамның үйі су астында қалды. Тұрғындар қауіпсіз жерге көшіріліп, өлместің күнін кешуде. Қазақстанның Төтенше жағдайлар жөніндегі комитеттің ресми өкілі Руслан Иманқұлов: «Төтенше жағдайлар қызметтері қарбалас сәттерді бастан өткеруде. Ақмола облысының Атбасар қаласында 150 адам қауіпсіз жерге көшірілсе, осы облыстың Аршалы ауданында да тұрғындар қауіпсіз жерге көшіріліп, жауын-шашынға қарсы түрлі шаралар қолға алынған. Ақтөбеде Ілек өзеніндегі су тасқыны салдарынан «Госсветсеть», «Қарғалы», «Ақсуат» секілді бірнеше бау-бақша ұжымшарларындағы үйлерді су басып қалып, 300 адам қауіпсіз жерге көшірілген. Ақтөбе қаласының іргесіндегі саяжай аумақтарын су басып, 50-ден астам адам эвакуацияланған. Саяжай аумағында 600-ден астам аула бар. Тұрғындардың айтуынша, қазір 40 үйді су басқан. Оған жақын маңдағы Сазды су қоймасы деңгейінің соңғы бір тәулікте  бір жарым метрге көтерілуі себеп болған. 16-ы сәуір күні Екібастұз ауданы «Шандақсор» су қоймасындағы мұз жару кезінде қалып қойған 8 балықшы құтқарылды. Қарағанды облысы Бұқар жырау ауданында орын алған су тасқынының салдарынан 137 адам қауіпсіз жерге көшірілді. Табиғи апаттың алдын алу шаралары әрі қарай жүргізілуде»,— деп мәлімдейді.

ЖАУАП ҚАЛДЫРУ

Пікіріңізді енгізіңіз!
Атыңызды енгізіңіз