ҚР вице-премьері коронавирустан сақтану үшін халыққа осындай кеңес берді.

Вице-премьер Ералы Тоғжанов қазақстандықтарды туған күндерін, үйлену тойларын өткізуді коронавирустың қауіпіне байланысты кейінге шегеруге шақырды, деп хабарлайды zakon.kz.

Мен қазақстандықтарға үндеу тастағым келеді. Әркімге денсаулығы маңызды екені белгілі. Осыны дұрыс түсіну керек. Сондықтан қандай да бір жиын-той өткізер алдында ойланыңыз. Көп қонақ шақырмауға тырысыңыз. Тіпті тойды өткізу мерзімін кейінге шегеруге кеңес береміз, – деді Тоғжанов.

Айта кетейік, елімізде коронавирустың таралу қаупіне байланысты мектеп оқушылары кезекті демалысқа бір апта бұрын жіберіліп жатыр: 16 наурыздан бастап 5 сәуірге дейін. 13 наурыздан бастап жаппай қоғамдық іс-шаралар тоқтатылады. Кинотеатрлар жұмыс істемейді, бірақ сауда орталықтары мен базарлар бұрынғыдай жұмыс істей береді. Азық-түлікпен халықты қамтамасыз ету мәселесі биліктің бақылауында.

ЖАУАП ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз

This site uses Akismet to reduce spam. Learn how your comment data is processed.