Бұл туралы мәлім еткен Атырау қалалық білім бөлімінің басшысы Айнагүл Дүйсекенова:
– Мектептерде оқушылардың тамақтан улану фактісін болдырмас үшін асханалардың жұмысын бақылайтын мониторингтік топ құрылды. Оның құрамында әлеуметтік педагог, ұстаздар және кәсіпкерлер бар. Олар асханадағы тағамның құнарлылығы мен дәмін, оны жасау кезіндегі санитарлық тазалығын тексереді. Сондай-ақ, бұл жұмыстарға ата-аналар мен мектептегі қамқоршылық кеңес мүшелері қатыса алады, – деді.
Айта кетелік, қаладағы барлық білім ордасында 1-4 сынып аралығындағы 33703 оқушы мен әлеуметтік аз қамтылған отбасындағы 4310 бала бір мезгіл ыстық тамақпен толық қамтылды. Басқарманың бекіткен мәзіріне сай әр бала 600 теңге көлемінде тамақтанады.
