Абай облысы Семейде Нейминг тәсілі қолданылмақ

Абай облысы әкімдігі: «Семей қаласындағы ең үлкен «Арена» мәдени-спорттық кешенінің шығынын азайту үшін оның атын демеуші брендке беру көзделіп отыр. Себебі кешеннің коммуналдық қызметке жұмсайтын шығыны қомақты, яғни 132 млн теңгеден астам қаржыны құрайды. Осы ретте, кешенге Нейминг тәсілін қолдану жоспарлануда. Нейминг тәжірибесі – әлемде кең тараған үрдіс. Стадионға бірнеше жылға демеуші брендтің атауын жалға беру арқылы табыс табуға болады. Түскен қаражат кешендер мен спорттық командаларға жұмсалатын шығындарды азайтуға септігін тигізеді. Ал үнемделген қаражат есебінен балалар спортын дамыту үшін тегін үйірмелер мен секциялар ашуға мүмкіндік туады», – дейді.