2025 жылғы 27 тамызда Алматы халықаралық әуежайы жаңа оқу жылына дайындық барысында ерекше білім беру қажеттіліктері бар балаларды қолдауға бағытталған «Мектепке жол» республикалық акциясына кезекті рет демеушілік жасады.
Әлеуметтік бастама аясында әуежай өкілдері Алматы қаласының Түрксіб ауданындағы мектеп оқушыларына материалдық көмек көрсетті. Әрбір балаға жаңа оқу жылына қажетті барлық құрал-жабдықтармен толықтырылған мектеп сөмкелері табысталды. Бұл игі іс-шара балаларға қуаныш сыйлап қана қоймай, олардың білім алуға деген ынтасын арттыра түсті.
Алматы халықаралық әуежайы осы акцияның тұрақты демеушісі ретінде әлеуметтік маңызы бар жобаларды қолдауды жалғастырып, алдағы уақытта да қоғам игілігіне үлес қоса бермек.
