Қарашаның 23-жұлдызында Оралдағы «Отбасы» орталығында кондитерлік шеберлік сабағы ұйымдастырылды.
Аналар үшін пайдалы бұл іс-шараға облысымызға танымал кәсіпкер, қалалық мәслихат депутаты, көптеген қайырымды істердің ұйытқысы болып жүрген Нұргүл Ашықова қолдау көрсетті. Шеберлік сабағына қатысқан аналар түрлі тәттілер пісірудің қыр-сырын үйренді. Сонымен қатар кәсіпкер шеберлік сабағын өткізуге өзінің асханасын тегін пайдалануға берді. Оралдықтарға танымал кондитер Камшат Бадаятова шеберлік сабағын жүргізіп, қатысқан 15 анаға тәтті тағамдарды дайындау жолдары туралы кеңінен түсіндіріп, тәжірибе жүзінде көрсетті.
Ұйымдастырушылар аналарға осындай мүмкіндік жасаған кәсіпкер, депутат Нұргүл Әжібайқызына және кондитер Кәмшат Калимоллақызына алғыс білдірді. Сондай-ақ жомарт жүректі кәсіп иесі Н.Ашықова волонтерлік қызмет көрсету бағытында облыс орталығындағы әлеуметтік жағдайы төмен отбасыларға киім-кешек таратқанын да айта кеткен жөн.
