Ақтөбелік жастар жаппай сенбілікке шықты

Ақтөбелік жастар жаппай сенбілікке шықты

Ақтөбе қаласының жастары облыс әкімі Ералы Тоғжановтың қала аумағын санитарлық тазалау бойынша екі айлыққа қатысуға шақыруын қолдады.

Бүгін студенттерден құралған 350-ден аса еріктілер мен белсенділер өңір басшысымен бірге 12 шағын аудандағы М.Мәметова көшесі бойындағы шағын бақты тазалады.

Е.Тоғжанов студенттерге, еріктілерге, жастар ұйымдары мен ​ өңір тұрғындарына, кәсіпкерлерге туған өлкесіне бей-жай қарамай, сенбіліктерге белсенді қатысқандары үшін алғысын білдірді.

«Халқымызда ауылына қарап, азаматын таны деген жақсы сөз бар. Міне, біз бірнеше күннен бері қаламызды тазартып, бір жеңнен қол, бір жағадан бас шығарып жалпықалалық сенбілікке қатысып жатырмыз.

Тазалық – тазалаған жерде емес, айналаны таза ұстаған кезде ғана болады. Ауламыз таза болса ой-санамыз да тазарады, бойымыз сергіп, көңіліміз көтеріледі.​ ​

Сүйікті қаламыздың тазалығы баршамызға ортақ іс, жас буынға үлгі-өнеге, сырттан келген қонақтар үшін тұрғындарымыздың абыройы. ​

Өскелең ұрпаққа жан жағын таза ұстап, ластамауға үндеу, шашпауға шақыру аға буын мен әрбір азаматтың борышы, азаматтық парызы. Әрбір адамның жеке жауапкершілігі.​ ​

Сенбілік басталғалы бері қаламыздың тұрғындары, бизнес өкілдері, мемлекеттік мекемелердің қызметкерлері, жеке секторлардың мамандары, жігерлі жастарымыз белсене қатысты.

Бұл игілікті іс бүгінмен бітіп қалмайды, өз жалғасын таба беретін болады. ​

Кішкентай Отанымыздың гүлденуі, қаламыздың өсіп-өркендеуі жолында баршаңызды бір адамдай жұмыла атсалысуға шақырамын»,- деп атап өткен облыс әкімі қоғам өміріне белсенді атсалысып жүрген 13 студент пен еріктіге алғыс хаттар табыс етті.

Олардың қатарында Қостанай облысында өрттен зардап шеккендерге гуманитарлық көмек жинауға қолдау көрсеткендер де бар.

Жалпы алғанда жетпіс студент пен ерікті облыс әкімінің алғыс хатына ие болды.

Еске салайық, санитарлық тазалау мен абаттандыру бойынша екі айлық 17 қыркүйекте басталып, 4 қарашаға дейін жалғасады.

24 қыркүйекте өңірдің 22 мыңнан аса тұрғыны, жүзден аса кәсіпкерлік ұжымдары, мектептер мен медициналық мекемелер жалпыоблыстық сенбілікке шықты.

Екі сенбілік барысында 1073 көше, 198 саябақ, шағын бақтар қоқыстан тазартылып, 1926 тонна қоқыс шығарылды, ​ 261 шақырым жол тазартылды.

Бұған қоса, заңды және физикалық тұлғаларға абаттандыру ережелерін бұзғандары үшін 955 ұйғарым шығарылса, 93 адамға 4 миллион теңгеден астам сомаға айыппұл салынды.

 

Ақтөбе облысының баспасөз қызметі
25.09.2022

Ұқсас жаңалықтар

БАСПАСӨЗДІҢ БАС АУРУЫ
Дәулетбек Байтұрсынұлы, «Мөлдір бұлақ» журналының Бас редакторы - 18.11.2022 525

Топ жаңалықтар

1
Жаңа Қазақстанды түлететін 5 ұсыныс
Show more
Болат Дүйсембі - 2022-11-28 138
2
Теннис: Әйелдер құрамасы үздік ондықта
Show more
Ермек Сахариев - 2022-11-28 131
3
Атыраудағы игі істер
Show more
- 2022-11-28 131
4
Әділетті және тұрақты болашақ үшін...
Show more
А. К. ҚОЖАХАН, Т. А. БАЗАРБАЕВА, әл-Фараби атындағы ҚазҰУ «Тұрақты даму бойынша ЮНЕСКО» кафедрасының қауымдасқан профессорлары - 2022-11-28 143
5
ӘЛЕМДІ ТАҢҒАЛДЫРҒАН АДАЙ ЖЫЛҚЫСЫ ұлттық бренд ретінде танылуы тиіс!
Show more
Голрох ЖЕМЕНЕЙ - 2022-11-28 138