Делебені қоздырып, намысты қамшылайтын ат спорты - ұлттық имиджіміздің айқын көрінісі іспеттес. Кең даланың төсінде ат үстінде отырып, атой шапқан шабандоздар дырау қамшыны тартқанда желмен бірге құйғыта шапқан тұлпар еркіндіктің пырағына айналады.
Бүгін Ұлттық спорт күні мерекесіне орай, Жаңаталап ауылында ат сүйер қауым мен ауыл әкімінің демеушілігімен Құнан және Тай бәйгесінен Сарысу аудандық біріншілігі болып өтті. Жарысқа Байқадам, Игілік, Жайылма, Жаңатас қаласынан және Талас ауданының жүйріктері бақтарын сынады."Жүйріктен жүйрік озар шабысқанда" дегендей, бәйгеде аттардың шабысы мен шабандоздың ұтымды әрекеттері назарда болды.Құнан және Тай бәйгесінің қорытындысы бойынша жеңімпаз шабандоздар дипломдармен және қаржылай сыйлықтармен марапатталды.
