Оралда 15 мамыр – Халықаралық отбасы күніне орай ата-аналар арасында волейбол турнирі өтті.
Бұл туралы Орал қалалық білім беру бөлімініңбаспасөз қызметі хабарлады. Аталмыш бөлімнің кубогысарапқа салынған турнир ата-ана мен мектеп арасындағы ынтымақтастықты нығайтуды және салауатты өмір салтын насихаттауды мақсат етті. Жарысқа 16 мектептің ата-аналарынан құралған командалар қатысты. Ата-аналар тартысты ойын көрсетіп, нәтижесінде оралдық №20, 42, 44, 48 орта мектептердің командалары үздік шығып, финалдық ойында бақ сынады.
Командаларды «Халықаралық отбасы күнімен» құттықтаған Орал қалалық білім беру бөлімі басшысының орынбасары Айтжан Даумова, №48 ЖОББ мектебініңдиректоры Артур Мұсағалиев ата-аналарды ұрпақтәрбиесінде күш біріктіруге, «Балалар жылы» аясында өткізілетін шараларға белсене қатысуға шақырды. Турнир қорытындысында Орал қалалық білім беру бөлімінің кубогы және жүлделі І орын Д.Қонаев атындағы №44 мектеп-гимназияның ата-аналар командасына бұйырды. Жүлделі екінші және үшінші орындарды №42 «Ақ ниет» мектеп-гимназиясы және №48 ЖОББ мектебі мен №20 ЖОББ мектебінің ата-аналар командасы өзара бөлісті.Сонымен қатар «Үздік шабуылшы», «Үздік байланыстырушы», «Үздік қорғаушы» номинацияларының иегерлері де анықталды.
