Атырау облысын дамытудың жеті басым бағыты

Президент Атырау жұртшылығымен кездесуінде «Қуатты өңірлер – қуатты ел» қағидатын ұстанатынын айтып, облыстың өркендеуіне тың серпін беретін бірқатар мәселеге тоқталды. Ең алдымен, өңір экономикасын әртараптандыру қажет екенін атап өтіп, өңірді дамытудың жеті басым бағытын атады. Олар: 1. Мұнай қоймаларын барынша көбейту. 2. Балық шаруашылығын дамыту. 3.Жол құрылысын дамыту. 4. Ауылдарды бір орталықтан берілетін сумен жабдықтау жүйесіне қосу. 5. Медициналық инфрақұрылымды жақсарту. 6. Есірткіге қарсы күресті тиімді жүргізу. 7. Білім беру инфрақұрылымын жаңғырту. Президент бұдан басқа Атырау өңірінің экологиялық ахуалына арнайы тоқталды.