«Ауыл – ел бесігі» экспедициясы Батыс Қазақстанда жалғасуда

Халықаралық «Qazaqstan dauiri» газетінің «Nur Otan» партиясымен, ҚР Ауылшаруашылығы министрлігімен және «ЕлАна» қоғамдық, әлеуметтік-танымдық сайтымен бірлескен Мемлекет басшысының «Халық және жүйелі реформалар – ел өркендеуінің негізі» атты Жолдауы аясындағы «Тәуелсіздігіміздің 30 жылдығына» арналған экспедициясы шеңберінде «Qazaqstan dauiri» ЖШС бас директоры Сәуле Мешітбайқызы осы аптада Батыс Қазақстан облысына келді. «Ел анасы» атанған танымал журналист, ел-жұртқа қашанда жақын жүретін қалам иесі облыстың аудандарын аралап, туған жеріне туын тіккен кәсіп иелерімен, шаруалармен жүздесті. Өңір азаматтарын аталмыш экспедицияның мақсат-міндетімен таныстырып, кейбір түйткілді мәселелер мен саланың жетістіктерін назарға алды. Ақ Жайықтағы сапар барысы туралы газетіміздің алдағы нөмірінен оқып, біле аласыздар.  Экспедиция Батыс Қазақстаннан соң Ақтөбе, Маңғыстау облыстарында жалғасады.