Жастар – ел дамуының, мемлекет болашағының стратегиялық ресурсы, бүгіні мен ертеңнің қозғаушы күші.
Сол үшін жастарға мемлекет тарапынан қолдау көрсетілсе, болашақтың ісінен ақсамас едік.
Елімізде бірнеше жылдан бері жастарды қолдау, оларға кәсіби білім беру, жұмыспен қамту сияқты мәселелерді шешуге бағытталған әртүрлі бағдарламалар қабылдануда.
Жастар саясатының басым қағидаттарына конфессияаралық келісім және этносаралық толеранттылық, ұрпақ сабақтастығы, отбасыдағы тәрбие кіреді.
Мәселен, мемлекеттік жастар саясатының негізгі бағыттары: сапалы білім беру, денсаулық сақтау, жұмыспен қамту, кәсіпкерлікті дамыту, тұрақты баспанамен қамту, сыбайлас жемқорлыққа қарсы тәрбиелеу, экологиялық мәдениет, талантты жастарға көмек, мәдени демалысқа баулу.
Осыған орай бүгін Қамқалы ауылдық округінде қоғамдық қабылдау өткіздім. Қоғамдық қабылдау барысында ауыл жастарына мемлекеттік бағдарламаларға түсіндірме жұмыстары жүргізілді.
А.Жолгелдиев “Дипломмен ауылға” бағдарламасына қатысуға ниет білдірді.
Қ.Жұмыскеров және А.Қойшыбай “Жастар практикасы” бағдарламасымен жұмысқа орналасуға ниет білдірді.
Бағдарламаның негізгі мақсаты және міндеті ауылдың қалыпты тіршілігін және ауыл-аймақтың әлеуетінің өсуін қамтамасыз ету, сонымен бірге, ауыл тұрғындары үшін әлеуметтік саланың сапалы қызметін көрсету, ауыл-аймақты тұрақты дамыту, ауылдық елді мекенге жұмыс істеуге және тұруға келген сала мамандарын ынталандыру.
Ел болашағы жастардың қолында: олардың еңбекқорлығына, талап-мұратына, арман-мақсатына байланысты. Олар ата-бабаларымыздан мұра болып қалған құндылықтарымызды, тарихи дәстүрлерiмiздi жаңғыртып, оны алға бастырып қана қоймай, экономикасын, ғылымын да дамытуға, жiгерлене ел үшiн еңбектенуге мiндеттi.
Жастардың тағдыр-талайы мен болашағына елдегі белгілі әлеуметтік топ ретінде емес, оларға мемлекеттің болашағы, ұлттың тағдыры, елдің ертеңгі иесі ретінде қарағанда ғана ұлт құндылығын ұлықтай аламыз.
