Жуырда Оралда «Балалар үйі түлектерімен кешенді шараларды ұйымдастыру және өткізу» жобасы аясында бос жұмыс орындары жәрмеңкесі өткізілді.
Бұл іс-шараны Батыс Қазақстан облысының жастар саясаты мәселелері басқармасының қолдауымен «Ғасыр» жастар қоғамдық бірлестігі ұйымдастырды.
– Жәрмеңкеге облыстық және қалалық жастармен жұмыс жөніндегі ресурстық орталығының, Орал қаласы әкімдігінің халықты жұмыспен қамту орталығының мамандары, сонымен қатар «Алау», «Шаңырақ ELITE» жауапкершілігі шектеулі серіктестігі сынды мекемелердің өкілдері қатысты. Олар «Балалар үйінің» түлектеріне арналған бос жұмыс орындарын ұсынды, – деді аталмыш қоғамдық бірлестіктің координаторы Тасболат Серікқалиев.
