Халықаралық әйелдер күні қарсаңында Алматы қаласы Әуезов ауданына қарасты №10 емханада медицина қызметкерлеріне құрмет көрсетілді. Салтанатты іс-шараны емхана мекемесіндегі кәсіподақ ұйымының төрайымы Акимбаева Анар Биташқызы бастаған әкімшілік пен ер адамдар құттықтады. Осы іс-шара аясында мерекелік концерт ұйымдастырып, әнші Абай Бегей өз өнерін көрсетті. Салтанатты іс-шарада емханадағы қызметкер ер-азаматтар: техника қауіпсіздік инженері Ч.С.Абитов, комплаенс-офицер Е.Ж.Нүсіпбаев, хирург-дәрігер Н.А.Орғыбеков өлең жолдарын оқып, жүрекжарды тілектерін айтты. Алматы қаласы Әуезов ауданы бойынша денсаулық сақтау саласындағы қызметкерлерге адал еңбегі және белсенді қызметіне қарай марапаттар берілді.
Мерекелік іс-шара соңында дәрігер Қазына Қайратқызы және Ізбасар Бағлан өз әндерін тарту етті. Сол күні емхана әкімшілігі наурыз айына тұспа-тұс келген рамазанның оразасын ұстаған жандарға ауызашар берді.
