Батыс Қазақстан облысындағы санитариялық-эпидемиологиялық қызмет жаңа автокөліктермен толықты.
Бұл туралы БҚО санитариялық-эпидемиологиялық департаментінің баспасөз қызметі мәлімдеді.
Жалпы елімізде санитариялық-эпидемиологиялық қызметті дамыту мен нығайту мақсатында өңірлердегі санитариялық-эпидемиологиялық бақылау департаменттеріне 132 автокөлік бөлінсе, соның алтауы біздің облысымызға жеткізілген.
Автокөліктер Орал қалалық және Бәйтерек, Жаңақала, Сырым, Қаратөбе аудандық басқармаларына бөлініп берілді.
Жаңа көліктер облысымыздағы эпидемиологиялық жағдайды тұрақтандыруда және инфекциялық аурулардың ошақтарына шығу, сынама алу, аса қауіпті инфекцияларға мониторинг жүргізу секілді мәселелерде жақсы қолдау болмақ.
