Қазақстан Республикасы мен Қырғыз Республикасы арасындағы Шу және Талас өзендеріндегі мемлекетаралық су шаруашылық құрылыстарын пайдалану жөніндегі комиссияның отырысы өтуде.
Биылғы суғару маусымында Талас өзені бойынша «Киров» су қоймасы арқылы 400,0 млн. м³ су пайдаланылады. Бүгінгі таңда су қоймасында жиналған судың көлемі 523,0 млн. м³.
Шу өзені бойынша суармалы алқаптарға 180,0 млн. м³ су алынады.
Маусымның тұрақты өтуі үшін қажетті су көлемін уақтылы және кестеге сәйкес бөлу, сондай-ақ, ақпарат алмасудың тиімді жүйесін қамтамасыз ету ұсынылды.
Комиссия отырысына Қазақстан Республикасы Су ресурстары және ирригация министрі Нұржігітов Нұржан Молдиярұлы мен Қырғыз Республикасы Министрлер кабинеті төрағасының орынбасары - Су ресурстары, ауыл шаруашылығы және өңдеу өнеркәсібі министрі Торобаев Бақыт Эргешұлы қатысуда.
