КӨКТЕМГІ ВЕЛО ШЕРУ

КӨКТЕМГІ ВЕЛО ШЕРУ
«ҚР Ішкі істер министрлігі Қылмыстық атқару жүйесі Комитетінің Жамбыл облысы бойынша ҚАЖД» республикалық мемлекеттік мекемесі мен бас бостандығынан айыру мекемелерінен босатылған, пробация қызметінің есебіндегі сотталғандар және Жамбыл облысы прокуратурасының қызметкерлері арасында көктемгі велошеру өтті.
Ұжымдық қарым-қатынасты қалыптастыру, тұрғындар арасында жүйелі түрде дене шынықтыру және спортқа деген қызығушылығын арттыруды мақсат тұтқан шараның ашылу рәсіміне Тараз қаласы әкімінің орынбасары Гүлдана Жауынбекова пен қала прокуроры Нұржан Боранбаев арнайы қатысты.
Әуелі Гүлдана Әлімжанқызы сөз алып, велошеруге қатысушыларға сәттілік тіледі.
– Бүгінгі іс-шарамыздың басты мақсаты – пробация қызметі есебінде тұрған азаматтарға әлеуметтік көмек көрсету және салауатты өмір салтын насихаттау. Бүгінде Тараз қаласында дене шынықтыру және спортпен жүйелі түрде жалпы қала тұрғындарының 40 пайыздан астамы шұғылдануда. Бұл бағыттағы жұмыстар алдағы уақытта да жалғасын табады, – деді Гүлдана Жауынбекова өз сөзінде.
🔹Бұл күні велошерушілер Тұңғыш Президент саябағынан бастап Төле би даңғылының соңына дейін жүріп өтті.
📌Сондай-ақ қатысушылар арасында гір тасын көтеру, асық ату, қол күресі, арқан тарту, ләңгі тебу сынды ұлттық спорт түрлерінен спартакиада ұйымдастырылып, жеңімпаздар бағалы сыйлықтармен марапатталды.
Тараз қаласының әкімдігі
29.03.2024

Ұқсас жаңалықтар

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 2301
2
Өркенді қала-қуатты өңірге жетелейді
Show more
Дахан Шөкшир - 2023-06-02 8323
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 12209
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 8368
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 8530