Былтыр қуаңшылықтың кесірінен өңірде шөп аз шығып шаруаларды біраз әбігерге түсірген болатын. Осыған орай, биыл шөп тапшылығын болдырмау мақсатында 3,8 мың гектарға артық көпжылдық шөп себілді. Яғни, ағымдағы жылы 33,2 мың гектарға көпжылдық шөп егу жоспарланса, бүгінгі күні 34,7 мың гектарға (2021 жылы – 30,8 мың гектар) егілді. Сонымен қатар, 27,1 мың гектарға бір жылдық шөп егіліп, бұл жұмыстар өз мәресіне жетті. Ал, жалпы көктемгі дала жұмыстары мамыр айының үшінші он күндігінде аяқталады деп күтілуде.
Енді мемлекеттік қолдау мен дихандардың еңбегінің арқасында жүргізілген жұмыстардың нәтижесінде жоғары өнім жинау міндеті тұр. Сондықтан алдағы уақытта қолда бар мүмкіндіктерді тиімді пайдаланып, егінді ысырапсыз, мерзімінде жинау және мал азығы қорын дайындау жұмыстары сапалы атқарылады деген ойдамыз.
