Тараз қалалық білім бөлімінің басшысы Раушан Қожамжарова қоғам жанашыры Айткүл Қосаровамен бірге №25 орта мектептегі ресурстық орталықтың жұмысына да назар аударды.
2020-2021 оқу жылында ресурстық орталық ата-аналарының өтініші бойынша 21 ерекше білімді қажет ететін балаларға арналып ашылған болатын.
Орталық мүмкіндігі шектеулі балаларға психологтық-педагогикалық қолдауды іске асыру және инклюзивті білім беру арқылы тең құқылы тұлға болуға мүмкіндік жасау, терең білімді қажет ететін балаларды оқу қабілеттеріне қарай педагогикалық консилиум кеңесінің отырысынан кейін негізгі орта мектепке ауыстыруға қолдау көрсету болып табылады.
Жұмыс бағыттары туралы айтар болсақ, ерекше білім беру қажеттілігі әлі айқындалмаған оқыту қиындықтары бар балаларды анықтау, ерекше қажеттіліктері бар балаларды қабілеттеріне, қызығушылығына, денсаулық жағдайына қарай көмек көрсету, ата-аналарға баламен өзара әрекеттесу тәсілдерін, жанұя жағдайында оны тәрбиелеу және оқытудың әдіс-тәсілдерін меңгеруге қолғабыс ету, оқушының психологиясын зерттеу, жеке тұлға ретінде қалыптасуына жағдай жасау, мотивациясы төмен оқушылармен үздіксіз жұмыс жүргізу, ерекше білім беру қажеттіліктері бар оқушыларға қолдау көрсетуге мектеп ұжымының дайындығын зерттеу, сауалнама, сұрақтар, әңгімелесуді қолдану.
Ресурстық орталық төрт аймақ арқылы жұмыс жасайды: ата-анамен кеңес алу аймағы, баланы сергіту және демалу аймағы, ұстаздар мен арнайы мамандардың бірге жұмыс жасауға арналған аймағы, оқушылардың жеке оқытылуына мүмкіндік беретін аймақ.
Ресурстық орталықта мектептер мен ұстаздардың біліктілігін арттыру, жеке оқыту бағдарламасы бойынша әртүрлі әдістемелік құралдар әзірленген.
Орталықта 1 әдіскер, 1 психолог, 1 логопед, 1 дефектолог және 10 педагог-ассистент жұмыс атқарады.
Білім бөлімінің басшысы емдеу орталығының жұмысын жетілдіру, қажетті емдеу құрылғыларын тиімді пайдалану қажеттігіне ерекше назар аудару қажеттігін алға тартты
