Президент жариялаған саяси реформалардың жүзеге асыруда мәсихат депутаттарының рөлі басым болмақ.
«AMANAT» партиясы Шығыс Қазақстан облыстық филиалының төрағасы, облыс әкімі Даниал Ахметовтың төрағалығымен онлайн форматта партия активінің отырысы өтті.
Отырыста Мемлекет басшысы, «AMANAT» партиясының Төрағасы Қасым-Жомарт Кемелұлы Тоқаевтың алға қойған міндеттерін іске асыру мәселесі қаралды.
– Біз бәсекеге қабілетті болуға, азаматтық қоғамды оның көзқарастары мен сенімдерінің сан алуандығымен топтастыруға тиіспіз. Бізге Қазақстан дамуының жаңа моделі керек. Осыған байланысты Президент еліміздің саяси жүйесін кешенді жаңғырту бағдарламасын ұсынды. Аталған құжатты әзірлеуде Конституциялық Кеңес, Орталық сайлау комиссиясы, Жоғарғы Сот, Парламент Мәжілісінің депутаттары және беделді сарапшылардың ұсынымдары назарға алынды. Баяндамамның соңында Президент Қасым-Жомарт Кемелұлы Тоқаевтың сөзін келтіргім келеді: "Өзгерісті әркім өзінен бастауы қажет. Біз жеке және қоғамдық құндылықтар жүйесін қайта жаңғыртуымыз керек", – деді Даниал Ахметов.
Жиынға қатысқан «AMANAT» партиясының активі мүшелері Мемлекет басшысының Қазақстан халқына жолдаған "Жаңа Қазақстан: Жаңару мен Жаңғыру жолы" атты Жолдауындағы бастамаларды қолдайтындықтарын. Сонымен қатар ел игілігіне арналған реформалардың сапалы жүзеге асуына өз үлестерін қосатындықтарын жеткізді.
