ӨҢІРДЕГІ ҮШ АУЫСЫМДЫ МЕКТЕП МӘСЕЛЕСІ ШЕШІЛМЕК

Келер жылдың соңына қарай Атырау облысындағы «Жайлы мектеп» ұлттық жобасы аясында салынып жатқан 9 мектептің құрылысы аяқталып, күрделі жөндеуге жабылған 5 мектеп пайдалануға беріледі. 12 мыңнан аса бала жаңа мектепке барып, үш ауысымды мектептер түбегейлі жойылады деп жоспарланды. Бұл туралы облыстық білім беру басқармасы басшысының орынбасары Орынтай Биманова мәлім етті. Күрделі жөндеуге жабылған 5 мектептің оқушысы басқа білім ордаларына екіге бөлініп оқытылуда, салдарынан 10 мектеп уақытша үш ауысымға көшірілді. – Мектептер үш ауысымға өтсе де, кадр тапшылығы жоқ. Сабақ кестесі алдын ала құрылып, соған сай ұстаздарда пәндік сағаты анықталған. Сабақ 40 минуттан кем емес. Сондай-ақ, қалада апатты деп танылған 4, Индерде 1, Қызылқоғада 1, Махамбетте 1 мектеп бар. Алдағы жылда олардың орнына жаңа мектеп салынады, – деді О.Биманова.