Қадірлі оқырманымыз, сіздермен қоштасқымыз келмейді

Қадірлі  оқырманымыз,  сіздермен  қоштасқымыз  келмейді

Иә, сіздермен қоштасқымыз келмейді. Жыл бойына бірге болып, елімізде болып жатқан үлкенді-кішілі, ыстығы мен суығы аралас оқиғаларды бірге бастан кешкен оқырман бауырлармен қалай ғана қоштаса аласың? Сіз ше, қадірлі оқырманым, досыңыз, серігіңіз, кеңесшіңіз, қорғаушыңыз «Qazaqstan dauiri» газетін мынау сын сағаттарда қалай қиып тастап кетесіз? Әлбетте, тастап кетпейсіз. Сондықтан мұның жолы – тезірек поштаға барып жазылып, түбіртекті сақтап қою. Себебі кейде газетіміз сіздің үйіңізге келмей қалғанда осы құжатпен барып, оларды мойындатасыз.

Біздің газетіміз несімен сізге қадірлі? Оқырмандарымыздың айтуынша, батыл да өткір, әрі кез келген болып жатқан оқиғаға байыпты көзқараспен қарауымыз екен. Содан кейін ұлтшыл газетпіз. Ұлтшыл болғанда да қазақтың тағдырына бей-жай қарай алмайтынымыз. Солай ете отырып, біздің халқымызға ерекше құрметпен қарайтын этнос өкілдерін де шетқақпайлатпай, оларды да көтермелеп, ыстық құшағымызға тартамыз. Мынау алып та алпауыт дүние мейірім шуағымен ғажайып қой қашанда. Сонда ғана елімізде ынтымақ-бірлік болып, шуақты шақтарымыз көп болмақ.

Биылғы жыл, өздеріңіз білесіздер, Қаңтар оқиғасымен басталып, тып-тыныш өмірімізді аяқ астынан асты-үстіне түсірді. Халық әділеттілікті талап етіп көшеге атойлап шықты. Біздіңше, өте дұрыс талап. Себебі Назарбаев өзінің айналасындағы сыбайластарымен халықтың қазынасын ұрлап-тонап, бізді тығырыққа тіреді. Алайда бұқараның наразылығын, көтерілісін қара күштер шебер пайдаланып, оның арнасын басқа жаққа бұрды, талай бауырларымыздан айырылып қалдық. Қасіретті Қаңтар оқиғасын да, жасалып жатқан әділетсіздіктер жайлы да біз барынша көтердік, жаздық. Президентіміздің көтерген мәселелеріне де құлақ түріп, қолдайтын тұстарын қолдадық. Әрине, биылғы жыл мазасыз жыл болғанмен, халықтың көкірегінде үміт, сенім шоғы маздап жанып тұрды. Шіркін, сол сеніміміз нық орнығып, алдағы келе жатқан жаңа ресми жылда армандаған қой үстіне бозторғай ұялаған әдемі, мамыражай шақ келгей!

2022 жылдың соңғы нөмірі, Құдай қаласа, біздің ыстық сәлемімізді арқалап, сіздің шаңырағыңызды шуаққа толтырып жететіні анық. Аман болыңыздар!

Отбастарыңызға береке-ырыздық, жақсылықтар тілейміз. Халқымыз аман-есен болып, өмірімізді тыныштық әні әлдилеп тұрсын. Сіздерден тағы да өтінеріміз – кешігіп қалсаңыз, кез келген уақытта поштаға барып, газетімізге жазылуыңызға болады. Келе жатқан 2023 жыл сіздерге де, біздерге де қуанышқа, шаттыққа толы жыл болғай! Әумин!

Ертай АЙҒАЛИҰЛЫ
22.12.2022

Ұқсас жаңалықтар

ТҮРКІСТАНДА ТҰРҒЫН ҮЙ САЛАСЫНА БАҒЫТТАЛҒАН ИНВЕСТИЦИЯ КӨЛЕМІ АРТТЫ
Түркістан облысы әкімінің баспасөз қызметі - 27.01.2023 375
ТҮРКІСТАНДА ОБЛЫС БАСШЫЛЫҒЫ МЕН ЖЫЛЫЖАЙ ИЕЛЕРІ БАС ҚОСТЫ
Түркістан облысы әкімінің баспасөз қызметі - 27.01.2023 338
БАСПАНА КЕЗЕГІНДЕ 1990 АДАМ ТҰР
Жарқынбек ШОҒАЛОВ, аудан әкімдігі тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы, Жамбыл облысы, Байзақ ауданы - 26.01.2023 356

Топ жаңалықтар

1
ТҮРКІСТАНДА «ӘЙЕЛДЕР КӘСІПКЕРЛІГІН ДАМЫТУ – АЙМАҚТЫ ДАМЫТУ» ТАҚЫРЫБЫНДА ДӨҢГЕЛЕК ҮСТЕЛ ӨТТІ
Show more
Түркістан облысы әкімінің баспасөз қызметі - 2023-01-28 297
2
ТҮРКІСТАН ОБЛЫСЫНДАҒЫ БАРЛЫҚ ЕЛДІ МЕКЕНДЕРДІ КӨГАЛДАНДЫРУ ЖҰМЫСЫ ЖАНДАНАДЫ
Show more
Түркістан облысы әкімінің баспасөз қызметі - 2023-01-28 296
3
Елнұр Бейсенбаев: "Сайлауалды бағдарламаға ұсыныстар халықтан тікелей жиналады"
Show more
«AMANAT» партиясының баспасөз қызметі - 2023-01-28 294
4
ТҮРКІСТАН ОБЛЫСЫНДА ИНВЕСТИЦИЯЛЫҚ ШТАБ ЖҰМЫСЫН БАСТАДЫ
Show more
Түркістан облысы әкімінің баспасөз қызметі - 2023-01-28 298
5
Қарағанды облысы Аймақта 32 ауылдың жағдайы жақсарады
Show more
Ермек Сахариев - 2023-01-26 121