Жамбыл облысы бойынша ҚАЖ департаментіне қарасты №59 мекемесінің басшы құрамы мекеме қызметкерлерінің аналарын көктемнің шуақты мерекесі- 8 наурыз- халықаралық әйелдер күнімен құттықтады. Қызметтерін абыроймен және жоғары дәрежеде орындайтын қызметкерлердің ата-аналарына арнайы барды. 
Көркімен әлемге сән беріп, жан жылуын отбасына арнайтын, шаңырақты шаттыққа бөлейтін Сіздер қашанда құрметке лайықтысыздар. Мерекелеріңізбен шын журектен құттықтай отырып, дендеріңізге саулық, күш-қуат, отбастарыңызға бақ-береке, ырыс-несібе тілейміз, -деді мекеме бастығының орынбасары әділет майоры С. Абенов.
Сонымен қоса ақ жаулықты аналарға құттықтау хаттар мен сый-сияпаттар табыс етілді. Қызметкерлердің аналары ризашылықтарын айтып, көрсетілген құрметке алғыстарын білдіріп, ақ баталарын берді.
8-наурыз көктеммен бірге келетін жылулықтың, әдеміліктің, сұлулықтың символы болған аналарымыз бен аяулы аруларымыздың халықаралық мерекелерімен шын жүректен құттықтаймыз!
