2024 жылдың 06 қыркүйегінде сағат 15.00-де Петропавл қаласында «SARAP» эксперттік клубының «Қоғамдық оптимизм және энергетикалық қауіпсіздік: Қазақстандағы атом энергетикасын дамыту перспективасы» тақырыбындағы аймақтық жиыны өтеді.
Аталған аймақтық жиын 2024 жылғы 02 қыркүйектегі Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы аясында орайластырылып отыр.
Күн тәртібіне сәйкес Жолдауда айтылған мемлекеттік шешімдер қабылдаудағы азаматтардың қатысуы және жаңа қоғамдық-саяси мәдениет, экологиялық тәуекел мен қауіпсіздік, Атом электр стансасын салу туралы жалпыұлттық референдум сұрақтары қарастырылады.
Іс-шараға Солтүстік Қазақстан облыстық және қалалық мәслихат депутаттары, облыс әкімдігі, Қоғамдық кеңес мүшелері, атом энергиясы мен экология саласының кәсіби мамандары, жастар және азаматтық қоғам, партия және ҚҚДИ өкілдері қатысады. Сондай-ақ, ZOOM платформасы арқылы іс-шараға СҚО аудандарының өкілдері қатысады.
Модератор: «Қазақстандық қоғамдық даму институты» КеАҚ, Қоғамдық үрдістерді зерттеу орталығының басшысы Тасым Риззат Берікұлы.
Күні: 06 қыркүйек 2024 ж.
Уақыты: 15:00
Мекен-жайы: Петропавл қ.,Солтүстік Қазақстан облысы әкімдігі, Конференц зал (1 қабат), Қазақстан Конституциясы көшесі, 58
БАҚ өкілдері эксперттік талқылауға тыңдаушы ретінде қатыса алады. Белгіленген уақыттан 15-20 минут бұрын келуді сұраймыз.
Журналистерді аккредиттеу сұрақтары бойынша, 8-777-608-07-97, 8-702-414-34-13 нөмірлеріне хабарласуға болады.
