Бүгін Саудакент ауылындағы Байқадам Қашқынбаев атындағы орта мектебі жанындағы интернат тәрбиеленушілерінің “Қош келдің, Жаңа жыл” атты жаңа жылдық мерекелік іс-шарасы өтті.
Аталған жаңа жылдық шараға аудан әкімі Мамытов Сәкен Үмбетұлы арнайы қатысты.
Интернаттағы тәрбиеленуші бүлдіршіндерді Жаңа жыл мерекесімен құттықтап, балаларға зор денсаулық, жаңа жетістіктер мен барлық армандарының орындалуын, барынша жақсы оқып, сапалы білім алып, мақсаттарына жете берулеріне ізгі тілектерін білдірді.
Сонымен қатар, балалармен бірге мерекелік шыршаның жарығын жағып, жаңа жылдық сыйлықтарын табыстады.
Іс-шараның шымылдығын бастауыш сынып білім алушылары ашып, әсем әндер орындалып, би биленді. Ақшақар, қарақшы, сайқымазақтар, қоян, т.б бүлдіршіндердің көңілін қуантатын кейіпкерлер ортада рөлдерді сомдады.
