Әділетті мемлекет орнату – ғасырлар бойғы адамзат аңсаған іңкәр сағыныш. Сағыныш дейтініміз – әділетті елде өмір сүру ізгі арман. Әділетті мемлекет өз халқына жанашыр болмақ. Билігі жемқорлықтан ада, халқы еңбекшіл елдің алмайтын асуы жоқ. Әділетті елде сот та, заң да, адамдар да тура жолдан тайқымайды. Әділет салтанат құрған жерде қоғам жаңарады. Әділеттілік – мемлекеттің тірегі!
Ел Президент Қасым-Жомарт Тоқаев та Әділетті Қазақстан құру жолында елеулі қызмет атқаруда. «Әділетті Қазақстанды адал азаматтар құрады», – деді Мемлекет басшысы Ұлттық құрылтайдың екінші отырысында. Жас ұрпақты адал азамат етіп тәрбиелеу керек екенін де баса айтты сол жолы. «Шын мәнінде, біз айтып жүрген Әділетті Қазақстанды адал азаматтар құрады. Бұл – бір-бірімен өте тығыз байланысты ұғымдар. Отанға, отбасына адалдық – парасаттылық пен адамгершіліктің белгісі. Адал еңбек етіп, адал табыс тапқан адам жетістікке жетеді, құрметке ие болады.
