Қызылорда қаласындағы шыны зауыты өнімнің алғашқы партиясын шығарды. Оны өз елімізде және шетелде сатып алуға дайын. Қызылорда облыстық әкімдіктің мамандары: «Аймақта құрылысы аяқталған шыны зауытында күйдіру пешінің температурасы қажетті деңгейге жетті. Биыл 9 қазанда алғашқы сынақ өнімі шығарылды. Сынақ сәтті өтті. Енді, зауыт штаттық режимде жұмыс істеп, шыны шығарады. Зауыттың жанынан 8 ілеспе өндіріс ашылады. Осылайша, шыныдан бөлек, шыныталшық, композиттік материалдар, айна және тағы басқа өнім түрлері жасалады», – деп хабарлады.
Қазіргі кезде шетелден тапсырыстар түсіп жатыр. Атап айтқанда, Өзбекстан, Ресей, Түрікменстан, Тәжікстан, Ауғанстан мен Үндістан қазақстандық шыны өнімдерін сатып алуға дайын.
