ШАҒЫН ЖӘНЕ ОРТА БИЗНЕСТЕ ӨСІМ БАР

 Өңірде шағын және орта бизнес экономикалық дамудың күшті драйверіне айналып келеді. Шағын және орта бизнестің саны, өнім көлемі артуда. Байзақ ауданында 10 724 шағын және орта бизнес субъектілері тіркелсе, оның 9 778-сі белсенді жұмыс істейді. Нақтылай айтқанда, 5 698 жеке кәсіпкер және 4 403 шаруа қожалықтары тіркелген. «Бизнестің жол картасы – 2025» кәсіпкерлікті қолдау мен дамытудың мемлекеттік бағдарламасын жүзеге асыруға 2,2 миллиард теңге бөлініп, 76 жоба қаржыландырылды. Талас ауданында 3931 шағын және орта бизнес субъектілері тіркелген, оның 202-і шағын кәсіпорын, 1974-і жеке кәсіпкер, 1755-і шаруа қожалықтары. Ал Т.Рысқұлов ауданында бүгінгі таңда жұмыс істеп тұрған шағын және орта бизнес субъектілерінің саны 6692 бірлікті құраса, оның 6329-ы осы салада белсенді қызмет көрсетеді.