САУРАНДА ҒАСЫР ЖАСАҒАН ҚАРИЯЛАРҒА ҚҰРМЕТ КӨРСЕТІЛДІ

САУРАНДА ҒАСЫР ЖАСАҒАН ҚАРИЯЛАРҒА ҚҰРМЕТ КӨРСЕТІЛДІ
Жаңа жыл мерекесінде облыс әкімінің орынбасары Ертай Алтаев бір ғасыр жасаған қариялардың үйлерін арнайы аралап, мерекемен құттықтады.
Бірінші кезекте облыс әкімінің орынбасары Сауран ауданы, Ескі Иқан ауылына табан тіреп, Ұлы Отан соғысының 100 жастағы ардагері Закир Мұсаевтың шаңырағында болды. Облыс әкімінің атынан құттықтау хатын жеткізіп, әкімдік атынан ат мінгізіп, сый-сияпат жасады.
Закир Мұсаев 1925 жылы 1 қаңтарда Түркістан облысы, Сауран ауданы, Ескі Иқан ауылында дүниеге келген. Әкесі ерте қайтыс болған, 9 жасында жетім қалған ол анасы мен қарындасымен бірге қиыншылықтарды бастан өткеріп, 1943 жылы өз еркімен соғысқа аттанады. Ол майданда екі рет жарақат алады, бірақ соғыс аяқталғаннан кейін Германияның Дрезден қаласында күзетші болып қызмет атқарып, 1950 жылы әскерден оралған соң ауылда еңбек жолын жалғастырады. 35 жыл бойы есепші болып еңбек етті. Отбасында 4 қыз, 1 ұл тәрбиелеп, ұрпақтарын еңбекке, адалдыққа, ұлттың рухани құндылықтарына құрмет көрсетуге баулыды. Қазыналы қария облыс әкімі орынбасарының арнайы құттықтап келгеніне ризашылығын білдіріп, алғысын айтты. Сондай-ақ облысты дамыту бағытындағы бастамаларына сәттілік тілеп, ақ батасын берді.
Облыс әкімінің орынбасары содан кейін Ескі Иқан ауылының тұрғыны, 102 жастағы Хапиза Эрметованың үйіне барды. Мемлекет басшысының Жарлығымен 2025 жыл «Жұмысшы мамандықтарының жылы» деп жарияланды. Осы ретте облыс әкімінің орынбасары еңбек адамына құрмет көрсетті.
Ертай Алтаев батыр ананы қос мереке – туған күні және Жаңа жыл мерекесімен құттықтап, мерекелік сыйлығын табыс етті. Ақ жаулықты ана облыс әкімінің орынбасарына алғысын айтып, ақ батасын берді. Елдің тыныштығын тілеп, ризашылығын білдірді.
Хапиза Эрметова 1923 жылы 1 қаңтарда Жаңа Иқан ауыл округі, Ақтөбе елді мекенінде дүниеге келген. Ұлы Отан соғысы жылдарында тылда еңбек еткен Хапиза апа сол қиын кезеңде ел үшін үлкен еңбек сіңірді. Соғыс аяқталғаннан кейін, 1953 жылы Ескі Иқан ауылына қоныс аударып, отбасымен бақытты өмір сүріп, 8 баланы тәрбиелеген. Еңбек ардагері 39 немере, 8 шөбере сүйіп отыр.
Түркістан облысы әкімінің баспасөз қызметі
02.01.2025

Ұқсас жаңалықтар

ТӨРТІНШІ БЕЛЕС  БИІГІНДЕ
Бақыт САРБАЛАҰЛЫ, жазушы, халықаралық «Алаш» сыйлығының лауреаты, «Құрмет» және «Парасат» ордендерінің иегері - 21.12.2024 1065
Жамбыл ауданы:  Жерге – тыныс, елге – ырыс
Дариха ҮМБЕТИЯРОВА, журналист Жамбыл облысы Жамбыл ауданы - 20.12.2024 1335
«Ауыл аманаты – ел аманаты»
Марат ҚҰЛИБАЕВ, Тараз қаласы - 20.12.2024 1344
Талас ауданы:  Ілкімді жобаның  игілігін көргендер
Нұрболат АМАНБЕК, Жамбыл облысы Талас ауданы - 20.12.2024 1335
Тоғыз жолдың торабындағы  Шу елінің ықыласы
НұрболатАМАНБЕК, Жамбыл облысы - 20.12.2024 1343
Жуалы ауданы:   Бағдарлама  аясында  5,1 млрд  теңге  игерілді
Нұржан МАНАСҰЛЫ, Журналист, Жамбыл облысы Жуалы ауданы - 20.12.2024 1125

Топ жаңалықтар

1
Ойынқұмарлық дендеп барады
Show more
- 2024-11-30 12282
2
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 11199
3
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 14429
4
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 13387
5
Өркенді қала-қуатты өңірге жетелейді
Show more
Дахан Шөкшир - 2023-06-02 18403