«Шахтер» сүрінді

Футболдан Конференция лигасында Қарағандының «Шахтері» Израильдің «Маккаби Тель-Авив» клубымен өткен екі кездесу қорытындысы («1:2; 0:2) бойынша жеңіліп, UEFA Конференция лигасы топтық кезеңіне израильдік клуб жолдама алды. Еске салсақ, Конференция кубогында бұдан бұрын «Шахтер» Румынияның ФКСБ ( бұрынғы атауы «Стяуа») (0:1, 2:1, пенальтиден 5:3) және Украинаның «Колосын» (0:0,0:0, пенальтиден 3:1) орта жолда қалдырып кеткен еді. Сондай-ақ, UEFA Конференция лигасында елордалық «Астана» және қостанайлық «Тобыл» командалары да сынға түскен-ді. Бірақ, олар үшінші іріктеу сатысынан аса алмаған болатын.