Сыбайлас жемқорлықпен күресу – әрбір азаматтың міндеті. Сыбайлас жемқорлық мемлекеттік институттарға деген сенімге нұқсан келтіреді, экономикалық дамуды бәсеңдетеді және азаматтар мен қоғамның өмір сүру сапасын төмендетеді.
Қазіргі таңда сыбайлас жемқорлық мәселесі жаһандық тұрғыда проблемаға айналды. Бұл мәселе барлық елдерге тән, сондай-ақ нарықтық экономикасы бар демократиялық мемлекеттерде де кездеседі. Әрбір мемлекет жаңғыру кезеңінде болған уақытта сыбайлас жемқорлық әрқашан жоғары болады. Қазақстан Біздің мемлекетіміз үшін сыбайлас жемқорлықты жеңу басты мақсаттардың, мемлекеттік саясат бағыттарының бірі болып табылады. Жемқорлықпен аяусыз күрес жүргізу тек қана мемлекеттің міндеті емес, бұл тұрғыда қарапайым азаматтарымыздың бірлігі мен жағымсыз әдеттерге қарсы тұрарлық күш-қуаты керек.
ӘР АЗАМАТ ЖЕМҚОРЛЫҚҚА ҚАЛАЙ ҚАРСЫ ТҰРА АЛАДЫ?
Хабардарлық: Өз құқықтары мен міндеттерін білу азаматтарға сыбайлас жемқорлық әрекеттерін тануға және оған қарсы тұруға көмектеседі. Ашықтық: Мемлекеттік органдар мен лауазымды тұлғалардан ашықтық пен есеп беруді талап ету. Мемлекеттік ұйым қоғам алдында есеп береді, сыбайлас жемқорлыққа қарсы күрес контекстінде мемлекеттік ұйымдар мен лауазымды тұлғалардың қызметі туралы ақпараттың ашықтығы мен қолжетімділігін болған кезде жемқорлықтың қолы азаяды, не толығымен жойылады. Ескерту: Сыбайлас жемқорлық фактілері туралы тиісті органдарға, мысалы, прокуратураға немесе сыбайлас жемқорлыққа қарсы күрес комитетіне хабарлау. Пара беруден бас тарту: Кез келген жағдайда пара беруден немесе алудан түбегейлі бас тарту. Қоғамдық бастамаларға қатысу: Сыбайлас жемқорлыққа қарсы бастамалар мен ұйымдарды қолдау және оларға қатысу – азаматтардың міндеті. Қорыта келгенде, сыбайлас жемқорлықты жою – қоғамдағы әрбір азаматтың міндеті. Қоғам мен мемлекеттің бірлескен күш-жігері арқылы ғана сыбайлас жемқорлық мүмкін болмайтындай жағдай жасай аламыз. Әрқайсысымыз парадан бас тартып, сыбайлас жемқорлыққа қарсы бастамаларға белсене атсалысу арқылы қоғамның осы дертімен күресуге және оны жоюға үлес қоса аламыз.
