«Талибан» қатарын жемқорлардан тазартуды бастап кетті

   РИА Новости сайты: «Ауғанстанда «Талибан» қатарын (Қазақстанда тыйым салынған) жемқорлардан тазарту үшін барлау қызметі, ІІМ және ҚМ бірлескен комиссиясы өз жұмысын бастады», – деп хабарлайды.  Бұл қатарда туыстарының көмегімен лауазым алған адамдар, қылмыскерлер, өткені күмәнді адамдар немесе жергілікті халық жек көретін шенеуніктер болуы мүмкін. Қозғалыс өкілі Забихулла Мужахид Twitter-де «Қазіргі уақытта «Талибан» қатары мен топтарын жаман, жемқор адамдардан тазарту үшін ислам әмірлігі министрлерінің бұйрығымен барлау басқармасы, қорғаныс министрлігі және ішкі істер министрлігі құрған бірлескен комиссия ел бойынша ресми түрде жұмысын бастады», – деп жазды. Бұған дейін Талибан Путиннің ТМД елдеріне ескертуіне жауап берген.