Батыс Қазақстан облысына қарасты Тасқала ауданында жергілікті атқарушы органдар жанындағы консультативтік-кеңестік орган «Ашық есік күні» іс-шарасын ұйымдастырды.
Басты мақсат – қылмыстық жаза және қылмыстық-құқықтық ықпал ету шараларын орындайтын органдар мен мекемелердің қызметіне жәрдемдесу, сондай-ақ жазасын өтеп шыққан адамдарға әлеуметтік және өзге де көмектер ұйымдастыру. Аталмыш іс-шараға Тасқала ауданы әкімінің міндетін атқарушы Аян Халауедин, аудан прокурорының аға көмекшісі Қайырбек Темірбай, аудандық ішкі істер бөлімі бастығының орынбасары Азамат Қалиев, аудандық пробация қызметінің аға инспекторы, әділет аға лейтенанты Саирман Ақжан, бөлімдер мен мекемелер басшылары, Тасқала аудандық пробация қызметінің есебінде тұрған сотталғандар қатысты. «Ашық есік күнінде» есепте тұрған тұрғындардың сұрақтары, ұсыныстары тыңдалып, кеңестер берілді.
