Орал қаласының әкімі Миржан Сатқанов 4 тамыз күні ресейлік «Қызыл Жұлдыз» компаниясының бас директоры Андрей Кусовпен кездесті.
Бұл туралы қалалық әкімдіктің баспасөз қызметі мәлімдеді. Басқосуда тараптар өзара ынтымақтастықтың бірқатар бағыттарын белгіледі. Облыс орталығында жаңадан заманауи технологияларды қолдану арқылы кәріздік тазарту станциясын салу үшін жобалық-сметалық құжаттама жасақтауға арналған меморандумға қол қойды. Келісімшарт шаһардың кәріз жүйесін дамытуға, үздік тәжірибелермен алмасуға және жаңа жобаларды жүзеге асыруға бағытталған.
Еске сала кетсек, «Қызыл Жұлдыз» ЖШС – суды тазарту процестеріне арналған химиялық реагенттердің жаңа түрін әзірлеумен және өндірумен айналысады. Сонымен қатар ағынды суларды қайта тазартып қолдану жұмыстарын жүргізеді.
