Елімізде тұңғыш рет ардагерлер арасындағы дзюдодан өтетін республикалық чемпионат Жамбыл ауданының орталығы — Аса ауылындағы дене шынықтыру-сауықтыру кешенінде өтті.
Белдесуге еліміздің әр облыстарынан келген 15 командадан 200-ге жуық спортшылар қатысты.
Спорттық шараның ашылу салтанатында Жамбыл ауданының әкімі Ерлан Қыдыралыұлы балуандарға сәттілік тіледі. Чемпионатқа Нұр-Сұлтан, Алматы, Шымкент қалалары, Атырау, Ақтөбе, Ақмола, Батыс Қазақстан, Павлодар, Қарағанды, Қостанай, Солтүстік Қазақстан облысы, Түркістан, Шығыс Қазақстан, және Жамбыл облысынан балуандар қатысуда. Турнир бірнеше күнге созылды. Талас ауданының дзюдошылары да аталмыш жарысқа қатысып, жүлделі орындардан көрінді. Атап айтқанда:35-39 жас аралығында 90 кг салмақ дәрежесінде өнер көрсеткен Нұрбаев Ыдырыс — 3-орын, 45-49 жас аралығында 66 кг салмақ дәрежесінде Тоқбергенов Қанат — 3 орын, 45-49 жас аралығында 100 кг салмақта Қалаубеков Досан — 1 орын, 55-59 жас аралығында 81 кг салмақта Бекұзақов Бауыржан — 3 орын, 60 жастан жоғары 90 кг салмақ дәрежесінде Бөпетаев Қуаныш — 1 орынға ие болды.
Жерлестемізді жеңістерімен шын жүректен құттықтаймыз.
