Денсаулық сақтау министрлігінің мәліметінше, науқастардың денінен омикрон штамы анықталған. Соңғы тәулікте елде 64 мың тұрғынның вирус жұқтырғаны белгілі болды. 177 науқас көз жұмды. Дегенмен Түрік билігі әзірге сақтық шараларын қатаңдатуға асығар емес. Айта кетейік, Түркияда халықты жаппай вакциналау 1 жыл бұрын басталды. Қазірге дейін елде 138 миллион екпе салынды. Қос дозаны 52 млн тұрғын қабылдаған.
Түркия денсаулық сақтау министрі Фахреттин Қожа: «Омикрон елдегі басым штамға айналды. Коронавирусты жұқтырғандар саны өткен айға қарағанда 4 есе өсті. Бірақ індеттің бастапқы кезеңдерімен салыстырғанда, ауруханаға жатқызылғандар саны аз. Сақтық шаралары міндетті. Сондықтан сақ болайық», – деп үндеу жасады.
